إنـتـهـيـــتي يـــا ,,, ح ق ي ر ه

No For 3aqad's profileإنـتـهـيـــتي يـــا ,,...PhotosBlogListsMore

Tools

Help

No For 3aqad -

Occupation

KNPC - electrical ENG

Location

Kuwait + Uae

Interests

احب الكتب لي: السياسيه بمختلف توجهاتها. الدينيه باختلافها. واحب الاغاني واحضر الكثير من الحفلات الخاصه والعامه .. والطور العدنيومطربينه لهم الافضليه. شيليز+الشاليهات+الاسواق..من احب الاماكن لي واكيد الديوانيه.. لووول مرض الكويتيين هالدواويــن. من هواياتي كمـــــال الاجسام .. السيارات .. حدي اعشق السيارات ومعرفه آخر الاخبار عنها وعن لوازمها .. الانترنت وخرابيطه .. النجـــــــــره ونرفزه خلق الله .. هىهى

من مواليد شهر 5 .. برج الثور يعني..
و حدي ما احب اللف والدوران.. والجذب دم ضروسي .. والخيانه .. مصيبه ابتليـــنا ببشر مرضهم الخيانه.. تحبهم وتعزهم وتحشمهم وتحطهم فوق الراس.. وبالاخير!!!
انا اقول قدرهم .. دوم واطي..
مقوله الفيلسوف العظيــم,,ارســــــطو: ســــو خيـــر ,, وقطــــــــه بحـــــر !!

وهذي مقولتي : فديتني :)
سهلـــــــــه حيــل إن الأنســان يكـون قليـل أدب __ لكـن صعبــه حيل حيــل يكون محـتــرم .

View profile details

بإذنه تعــالى


اقرأ "سورة الإخلاص" 15 مره فإنها تعدل قراءة القران 5 مرات

تستطيع أن "تصلي على النبي" عشرون مرة فيصلي عليك الله مقابلها 200مرة

لا إله إلا الله وحده لاشريك له , له الملك وله الحمد يحيي ويميت وهو على كل شي قدير - كانك زرت الكعبه

قل "سبحان الله وبحمد" 100 مره ومن قال ذلك في يوم غفرت ذنوبه وإنكانت مثل زبد البحر

اقرأ "سورة الفاتحة" 5 مرات فتحصل على أكثر من 7000 حسنه

لو سمحتوا ..

تنبيـــــــــــه

قوه .. لو سمحتوا .. وبدون لف ودوران .. انا ما حطيت هالسبيس .. عشان كل واحد يدش ويجاملني او يقول كلام غير مقتنع فيه, ويقول : والله خوش سبيس! او, سبيسك شكله حلو .. او .. او ..الخ . اقسم بالله إني مو محتاج هالكلام. اللي ابيه الصراحه والصدق و سلامتكم! . :)

سبيس أو موقع كويتي مُميز


السبيسات الكـويتيـه ماتصير مميزه الا من خلال آرائكم وزيارتكم

الفن العدني البحت .. من كل الجوانب مايصير مميز الا من خلال آرائكم وزيارتكم

! آخر الفضايح


آخر الفضائح الفنيه+السياسيه+الدينيه

آخر الجرائم والفضائح بكل المجالات

Blog

6/8/2006

..... مؤقتــاً

.. السلام عليكم

حي الله جياكري .. ولهت على هالكلمه

السبيس تسكر ( تم أغــــــــلاقه ) .. عقب المشاكل اللي صارت بعموم السبيسات

ومنهم سبيسي اللي مو قادر اعدل او اغيـــــّـــــــر فيه .. لكن

فتحت هالسبيس الجديد .. واتمنى مواصلتكم معاي فيه

eL7aqeera.Spaces.Msn.Com

منتظر زيارتكم

فيـصـــــــــل

1/26/2006

... حيـــــــــل وبعنــــــــــــف .. رجعت

؟تدرون شنو سويت عشان السبيس يطلع مره ثانيه

مسحت اغلب البلوقات + اللنكات والصور ..

حدي تضايقت.. بس المهم يطلع

بالمواضيع الاساسيه ..

والله ودي اجدد واعدل بالسبيس .. بس من صارت السبيسات

تعلّـق وما تفتح صار الواحد ماله خلق

.. قوه كلكم ..

شلونكم ... مابي اقول جياكري .. لوووول لانكم جياكري صج

واللي مب جيكر .. خل يثبت

عسى الرحمن يشيل الهم والضيقه من قلوبكم .. ويحفظكم

ويحفظ كل عزيز ..

ويغفر لنا ولأهلنا ومن نحب و لأمواتنا .. ويغفر للشيخ المغفور له :

الامير الطاهر بو مبارك

والمغفور له : بو خليفه ..

.. يوسف الشطي

.. كتب خوش كلام وخوش مشاعر تجاه الامير الطاهر

:) مابي امدحه و واحد من ربعي او اهو يشوف هالكلام .. وينغّر

قبل لايكون شاعر للعموم .. هو صديق عزيز .. بس ما اواطنه لما يقول

الشعر.. :) لحد يفهم غلط .. بس مو شسمه معاه كلش

عاد افهم يا فهيم ..

بثاني يوم من وفاه المغفور له .. التقينا بالديوانيه .. وقال هالكلام .. وانشره بعد

: بس حيل حيل حبيت هالجم بيت

اقول انساك تتساقط حضور وسيرتك تمطر
واقول اذكرك ينبشني الحنين والجرح يتلملم
يالت الموت مثل الوقت يتاخر ويتقدم
انا المفجوع ابوس صورتك في كل يوم يمر
وانا الباقي من الباقي من الباقي وعمر اظلم
وانا الغصن اللي من جابر رحل اصبح غصن اصفر
ينام الحزن في قلبي وقلبي برجعتك يحلم

وبس ..

عنتــــــــــر - مودرن - :)

من زمان عندي هالشعر والكلام الحلو ..

وكنت بنزله .. بس ماحصلت فرصه ..

حبيت اواريكم اياه الحين ..

.. وايضاً .. لـِ : الشطي يوســــف

عنتره لي وانا في الحب كني عنتره
لي بياض الفعل وان اقبلت ليلي سرمدي
من يبيني ينتخيني في الشديده المعسره
ومن رخصني ماغليته ولا احب المعتدي
لي ذنوبي ماجحدت الذنب ولا استصغره
الحفيظ اللي حفظني امس يحفظلي غدي
فالمعاصي عاده الانسان ولله المغفره
والهدايه ذي مشيئه رب و الرب يهدي
والمسافه بين طعم الحب والموت شعره
والبلا من الموت والا الموت في الغصن الندي

.... عاد بــــــس عاد

انزيـــــــن .. ضبطنا فلان وعلان .. وما خلينا شيسمونه الا وشسمه

انزين .. عاد ضبّط حالك يا فيصل .. وخل نشوف طيب شغلك

وكلامك .. عاد انا ما اصدق على الله عشان واحد يقول رايه

تحذيــــــــر : المدح يجب ان يكون فقط لي .. وفقط المدح

لووووووووووووووووول .. اتغشمــــــــــر ( امزح ) والله .. بس يهمني رايكم

: بكلامي

توني عرفت انك كذوب وغدار
لا والله الا منت كفو للأعجاب
الصدفه اللي شفتها يوم انا مار
من يومها والحب في خاطري ذاب
شفتك وهلت دمعه العين مدرار
يوم يدينك في يدينه على الباب
يا صاحبي ماعاد تنفعك الاعذار
حبك هدمته في يمينك بالاسباب
ماعاد لك في داخل القلب مقدار
دومك معي بالمصلحه دوم كذاب
في ذمتي لأنساك لو صار ما صار
وتصير في دنياي من ضمن الاغراب

.. كيفي وذوقـــــــــــــــــي

تعلموني بذوقي ؟؟ عاد ذوقي واعرفه .. واربع وعشرين ساعه قــــّــز وياه

وطلعاتنا مع بعض ..

جـّنه شسيمونه اب شيسمونه ( مثل كويتي تحت الحزام ) لووول

انا حطيت لكم بعض الاغاني بصيغه الـ mp3 .. ومدتها دقيقه

تصلح رنّـات للموبايلات او الفلاشات ..

اتمنى تعجبكم عاد حلايـــــه ( وجيهكم ) ( ويــــــوهكم ) .. شرايكم فيني بالصوبين

نيهاهاهاهاهاي ..

الأمـــــــــــــــاكن - محمد عبدو - جلسه خاصه @

بنت النـــــــــور - محمد عبدو - جلسه خاصه @

اغنيه تركيه - الجســــمي - خاصه @

يا خســــــــاره - حربي العامري - عامه @

إلا إنتـي - رويــــــــــــــــشد - عامه @

اليــن اليـــــوم - ذكـــــــــــرى - عامه @

أنا ما خنتــــــــه - فيصل الراشد - خاصه @

الــــــــــزله - فيصل الراشد - خاصه @

غربه الــــــــــــروح - عبدالمجيد عبدالله - عامه @

لا تلومــــــــــــوني - حمود ناصر - عامه @

ياللي على البــــــــــال - سلمان حميد - عامه @

واحشنـــــــي مـوت - المهنـــــــــدس - عامه @

وهالثلاث اغاني الاجنبيه حق : توني براكسون + نانا -

صحيح قدّم .. بس حيل احبهم

وقصبن عليكم بتسمعونهم .. هىهىهى .. اتغشمر

@ Un Break my heart - Toni Braxton

@ Lonely - Nana

@ Remember The Time - Nana

وهالاغنيتين .. حيل حيل يعورون القلب -

ورق خســـــــــران - مساعد البلوشي - حزاينيه خاصه @

يخـــــــــون الود - وائل الهولي - حزاينيه خاصه @

وهالمقطع لمدخل اغنيه حزينه بالكمان -

كمـــــــــــان حزاينــــــــــــــــــــي @

اتمنى يعجبكم ذوقي @#@

:) بس والله ترى شغل عدل وراسكم

هىهىهى

متفـــــرقـــــــاتي - يا ويلكم - ترى حدي ماكو رحمه

مــــــــــــوتوا يالحســـــــــاد .. وياللي حاسديني حتى @

على الخلاجين ( خلاجين= ثياب رثّه ) لغير الشيسمونه

اقسم بالله العظيم .. وربي يشهد ان زوار السبيس

من افتتاحه للحين فوق ال عشرين الف زائر , والله

على ما اقول شهيـد .. فوق العشرين الف قلنا

وفي دليل السبيسات العربيه arb-msn.com

بمجرد وضع الفأره على عنوان سبيسي .. راح تشوف

جم عدد الزوار من الدليل .. وراح تلاحظ ان

سبيس : انتيهتي يا ح ق ي ر ه .. اهو الاول بالزيارات

واكبر عدد ورقم موجود بالدليل كله ..

ذكروا الله . لا اله الا اللـــــــه .. وماشاء الله ..

عناد عليكم يالحســــــــــــاد :)

نانسي عجرم .. فديت انوثتها وجمالها - ان كان طبيعي او لأ @

جداً .. تاثرت من الويف فيديو المنتشر لها بالبلوتوث

مسكينه .. حتى واهي بالعياده وتضبط روحها لنا صايدينها

لوووووووووول .. الله يستر علينا .. آمين

حبيت اوضح شي للعموم من بنات السبيس @

الكل حيّاه الله .. ومرحبا فيه .. وعلى عيني وراسي

بس ترى انا كلمه : أختــــي ..

ما اقولها لأي بنت كانت بالنت او غيره ..

يعني لو شنو يصير ما تنقال هالكلمه مني ..

واللي تخاطبني بكلمه اخوي .. كيفها .. بس انا

اقولها فقط : ما عندي خوات ترى .. وكل واحد

وطريقه تفسيره وتفكيره ..

طبعاً مب الكل .. واصابع البني آدم مب سوى

بس اذا بخلي كل وحده وما اعرف من اهي وشتطلع

ويمكن تكون ؟؟؟ او تكون ؟؟؟ ..الخ من اسوأ الشسمه

واخليها تقول اخوي .. لا يبه .. ماعندي من هالنوع

خلــــــــص .. مروّنــــــا باجر .. او بعد سنه ..

وحده بس حسيت انها ممكن تستحق اقولها اختي

!! بس جنّه طلعت غلطان

ولا شرايج يا فلانه .. لاتردين على لحد يشوف

! اسمج بالسبيس وتتوهقين

وايضاً .. بعض البنات الخفاف ( من الخفه ) اللي @

ما خلوا احد الا قالوله : حبيبي او عمري او .. او

حبايبي .. او .. الخ ..

شدعوه .. ترى حتى لو كلمه عابره والسلام

ترى الثقل زينه البنت ..

لابو هالوي الــــــــــــودر .. ثقلي انتي وياها

عشان نقدر اللي جدامنا

كنت بذكر هالموضوع قبل .. @

بس الامور اللي مريت فيها.. اخرت هالشي

شفتوا او قريتوا عن فتوى عميد كليه الشريعه

؟؟؟؟؟؟؟ بمصــر

يقولكم .. اللي ينام مع مرته وهو مفصخ

؟! زواجهم باطل .. وجنّه مطلقين

لووووووووووووول

يعني اللي يجامع زوجته وهم بغير ثياب

فهم يتطلقون دايركت .. نيهاهاهاي

طبعاً هالدكتور تمسخر وبعنف للموت

!! واترك لكم التعليق الحكم

آخر ما توصلت اليه الدعاره المشّرعه @

يعني اشكره دعاره ومسخره وجدام الحكومه

.. ومباركتها ودعمها

خدمه الـ M-chat ,, طبعاً مو كل اللي يستخدمها

موجوده بالكويت من قبل سنه .. وطبقت بالبحرين

بعد .. والمملكه اخيراً .. ومادري عن باقي الدول

طريقتها ان تسجل لك نك نيم .. والعمر والدوله والجنس

وتبحث لك عن البيانات اللي ودك فيها

مثال: انثى العمر 28 الكويت او البحرين

وتدز مسج لقبولك كصديق .. الخ

وتبدأ المسجات عن طريق رقم المركز ..

؟؟؟؟ وبعدين

لكم التخيّل .. بس قلنا مب الكل

حدي استغرب من البنت اللي تعرض @

ايميلها ؟؟؟ شكوووو رازته بالسبيس

او المنتدى او .. او ..

شكو حاطه ايميلج ؟؟ لهلدرجه انتي مهمه ومطلوبه

وايضا بقول مب الكل .. بس الاغلب

ماله داعي تحط ايميلها..

. تحت مسمى تواصل او اللي يبيني

في البعض يحطه كهمزه وصل لمن يريد

التواصل لمعلومه او شغل او شغله تسوى..

!! مو لمجرد الشسمــــــــــــــــــــه

ترى والله ارد واقول .. زينه البنت ثقلها ..

وطول عمره الرجل.. يحب البنت اللي حاشمه روحها

مو اللي تعرض نفسها .. وايضاّ مب الكل

ماتلاحظون زوار سبيسي اغلبهم بنات @

وحتى لو في شباب .. ما يحطون كومّينت او اثبات وجود

!!!! كلــــّـــــــــش

مع ان ودي اتواصل مع الشباب .. ودوم ازور سبيسات الشباب

و .. و.. و ..

بس ماكو فايده ..؟! الظاهر اخـــــّـــــــرع

بس هم مو مثلكم يا جياكر.. لوووووووووووول

مسيره المحبه .. اللي صارت لأمير القلـوب @

الف رحمه عليه ..

يعني المسيره صارت عشان نثبت حبنّا وجدام

الكل للأمير الراحل .. المغفره له

بس صارت اغلب المسيره .. مسخــره

مع كل اسف .. وضحك وسوالف ..

والمصيبه الاكبر .. مغـــــــــازل

كلـــــــّــــش ربعنا خاروووها

طفـــــــــــــــــــــارتي ( يعني شي يطفرني = ينرفزني ) للي @

ما يعرف .. ان احد يواعدني باي شي كان تافه او مهم

ويخلف ويكشت بوعده ..

ولما تبيّن له هالشي .. بدال لا انت تزعل

اهو اللي يرفع خشمه ويزعل ,, اقول

قم زيــــــــــــــن قمّ .. ترى من احترام الشخص

احترامه لكلمته .. طيح الله حظ من ما فهم

وحده اعرفها .. من الوزن الثقيل @

وتدش النت بعد .. وهم رزتّ عمرها بالسبيسات

حيل كنت احترمها واقدرها وكانت لها مكانه .. مع انها

مب مضبوطه .. ولها خرابيط وسوالف

بس حيـــل خارتها وكحلتها .. لما زادت

من نسبه الشرف شوي .. وخربت الاكو والماكوو..

الحجي لج يا فلانه .. وتذكري انتي شنو

ولا زلتي شنو

اكتشف ان فلانه .. ومن اللي سكروا سبيساتهم @

ما سكرته لله .. فلان ولد ام فلان قالها سكريــــه

والله الديره صغيـــــره

الصدفه خلتني اتعرف على صاحبها .. وفجأه

لما عرف اسم سبيسي .. قالي تعرف فلانه

وللأمانه ما اعرفها بس اعرف سبيسها اللي سكرته

وعلى قولتها تبي ترتب مادري شنو؟ كبتها الظاهر :)

قال .. ان اهو فرض عليها هالشي .. لانها مو تكانه

لوووووووول .. الله يستر بس

انصح كل مقبل على الزواج او متزوج او خاطب او او @

لكلا الجنسيــــــــــــــن .. زياره منتدى الحياه الزوجه

جدا مفيد ومهم للعليميه ( اللي ما يفهمون للحين ) لكي

يرتقون ويفهمون معنى الحياه الزوجيه

www.arb3.com

انصدمت لما زرت سبيس وحده نكها @

احلى عيون معانا بعالم السبيسات

اذكر من اول السبيسات اللي زرتها انا

وكانت ثقيله وشزينها ..بس الحين

جنه قاعد تعرض وتوصف جسمها واللي

يزيد له النصر

حيل حيل انصدمت من طريقه وصفها لتفاصيل

وشغل جسمها

شحقه تسوين بعمرج جذي

بحفظ ربي .. قلبوا شسمه .. هىهىههى

فيصــــــل

1:35:10 AM | Add a comment | Read comments (33) | Permalink | Blog it

1/15/2006

الف الف رحمه عليك

" لــيس بأيدينا إلا أن نرثي غالــينا
بكلمة .. بقصيدة .. بدعاء يعزيــنا"
www.jaberna.com
موقع الراحل.. جــابر .. الأمير الطاهر

تعزيتك مطلوبه بالموقع

=====================

الف رحمه عليك يا بــو مبارك ..

عسى الرحمن يرحمك ويغمد روحك الطـــــــــاهره الجنه ..

والله مو عارف شقول او اكتب ..

اللهم اغفر للأمير المرحوم بأذن الله جابر الأحمد الصباح

وارحمه وعافه واعف عنه وأكرم نزله ووسع مدخله

اللهم إنا نشهدك اننا رعيته قد سامحناه من اي مظلمة لنا عنده

يارب ثبته عند السؤال واحشره مع المتقين الأخيار

اللهم آمين

==================

المصاب اللي تمر فيه دوله الكويت واهلها

ما يخليني ولا يسمحلي باني احط هالتعليق

بس لما شفت ان البعض .. اللي يشككون بوطنيتي

قد وضعوا تعليقهم السخيف.. والذي ينُم عن

: ردائه الاصل والتربيه .. فا لابد للرد

أطاطــا .. او أطاطيشن

مادري شاللي خلاها .. تهاجمني بلا سبب

وبدون سابق انذار

== اعتقد لتطنيشي لردودها السخيفه==

تفاجأة اليوم بدخولي السبيس

ورؤيه الردود .. والا بحبيبه

الكل على حد قولها

تتهمني بالتقصيـر او التقليل

من فظاعه الحدث بوفاه المغفور له

؟! بجمله: هذ اللي قدرك عليه

طبعاً .. ما ادري شنو وطنيتها

هالبنت اللي ما خلت احد من شباب

السبيسات ووصفته بحبيبي وعمري

وروحي ,, الخ

ولا اعلم .. على اي اساس وباي حكم

تحكم على وطنيه ابناء الكويت

و كيف الواحد يعبر عن اللي صار

بهالمصاب بالكتابه او حتى بالافعال

لان بأعتقادي .. ما في شي

يوصف مشاعر الحزن والكآبه

لعموم اهل الديره والمقيميين

وبالتاكيد اهل الخليج

والدول العربي .. لكن

لما ياتيني تعليق من مجهوله.. بمجرد

ذكر نك او معلومات سخيفه

لكن .. الظاهر عند المدعوه.. ان الحزن

يكون بوضع اكثر من بلوق للتعبير عن المشاعر

: وانا اقولج

شوفي وقت وضع البلوق .. وقدري جم كانت

الساعه .. اعتقد انتي منثبره بفراشج

لاشغل ولا عمل .. وما تدرين عن شي بوقتها

ومجرد ان وصل لج مسج او اتصال وعرفتي شالسالفه وقمتي..

هذا اذا ما كملتي انثبارج ..وخمدتج

انا مداوم من الصبح وقبل الساعه السادسه صباحاً

.. وعرفنا الخبر والمصيبه .. وفوق هذا لما رجعت

هم فتحت الكمبيوتر وحطيت الموضوع

وفي قمه الصدمه والتفكير المشتت

وعلى الاقل رحت المقبره وحضرت الدفان

والصلاه عليه .. والدليل لمن يطلبه

تصويري من الموبايل

وبالنسبه وبشكل تفصيلي لموضوع الوطنيه

الحمدالله .. اكثر من مجال لي سواء بالعمل

او سابقاً بالدراسه ..او حاليا كتطوع .. يثبت

لج ولمن هم على شاكلتج من طائفيين

او عنصريين ..شنو انا توجهي الوطني وشلون صاير

: وثانيا

ترى عيب توجهين كلامج السخيف اللي يدل

على قمّه سخافتج .. وبالاخير تذكرين اسم

قبيلتي او عائلتي كاتهام بعدم الوطنيــه

اعتقــــــد انتي تعرفين

من هم قبيلــــــــــــــــه عنـــــــــــــزه

عنزه هم حكامج وتاج راسج وشيوخج

وهذا شي ما نختلف فيه.. واذا ما فهمتي

اقولج آل الصباح هم عنزه ..فهمتي

أخيراً .. والله عيب على السوالف

ترى تطيّح من حظ الانسان زود

وولمجرد تطنيشي لج بالردود السخيفه

او عدم دخولي لسبيسج .. لكثره

؟المواضيع السخيفه والتافه.. تقولين هالكلام

وعلى فكره حتى اضافتي لج بالسبيسات الكويتيه

لمجرد اني حسبالي انج كويتيه بالقلب والروح

قبل الجنسيه ..

لان ما اعتقد في كويتي شريـــف يقول هالكلام لكويتي

ثاني بدون سبب ..

ودعيـــــنا نشوف اسبابج اللي خلتج

تقولين لي هالكلام والتشكيك بوطنيتي

==================

شخص من ضعاف النفوس حاقد على الكويتيين

الظاهر من ازلام القوميه العربيه البعثيه

جداً .. كلام نظيــــــــف ومحترم

..ومؤدب

وسخ سبيسي بتعليق .. جداً راقي

من الكلمات السوقيه ومن نوع تحت الحزام

:ردي عليك بيكون بعنوان سبيسي

سهله يكون الواحد قليل ادب.. لكن صعبه حيل يكون محترم

8:04:13 AM | Add a comment | Read comments (45) | Permalink | Blog it

11/18/2005

.. !! مو قلنا فهموا شنو يعني : إنتهيتي يا ح ق ي ر ه

مابي حد يجامل او يلف ويدور .. انا ما اكتب ولا اعلّق ولا أبدي تفاعلي بالسبيسات الصديقه عشان اطالبهم بالرد في سبيسي .. ولا ابي احد يفهم اني لما ادش سبيس واثبت وجودي فيه .. مو معناته اني ابي
صاحب السبيس يرد الزياره ..المهم التواصل والسؤال

.. السلام عليـكم

؟ شلونكم + شحالكم + وشخباركم

.. اليوم عندي سوالف واجد+وايد

واتمنى ما أطوّل عليكم او املّـلكم .. اوكي

.. اسم سبيسي : إنتهيـتي يا حقيـره ..

واللي يعرف سبيسي من زمان وقرى كل مواضيعه .. يعرف شسالفة يا حقيره

بس تدرون يا جماعه .. ان للحين في ناس تضيفني بالماسنجر او تحطلي كومّينت هني .. وللحين !يكلموني بقلّة إحترام واسلوب سوقي..

لأن يعتقدون ان يا حقيره .. اقصد فيها البنات عموماً ..

البنات .. اللي منهم .. أمـي ربي يطول بعمرها او خواتي او .. او

والحمدالله .. ردي دوم مقنع وبكل أدب اعرف ارد على اللي جدامي حتى لو قاعد يغلط..

راح اعيد موضوع : إنتهيتي يا حقيره + التوضيح للعنوان

لكل واحد يعتقد اني اقصد شي اهو يمكن فاهمه غلط.

--------------------

إنتهيتي يا حقيره ...!

شاللي خلاني اختار هالعنوان ..؟ واضمه للسبيس ؟

يا طويلين العمر ..

الخيــــــــــانه + الغــــــــــــــدر .. !! إيــه .. الخيانه والغدر .. هم اللي خلوني اختار هالعنوان ..

بس في شي لازم تفهمونه يا جماعه ..

انا ما اقصد بكلمه : حقيره .. بنت !!

او بالاصح .. اوكي .. افهمها يا فلان .. انها بنت .. وممكن تفهمها يا فلان .. ان هالكلمه عن ولد.

يعني مخلــــــــــص الحجـــــــي .. انا اقصد .. المرأه والرجل .. بكلامي وتوجهي عن الخيانه والغدر .

انت تحب وتعشق وتبيع الدنيا عشانها .. وما تخلي شي والا تسوي لها .. وتوفر لها كل شي اهي تبيه من اشياء معنويه واحاسيس واشياء ماديه .. كل شي كل شــــــــــــــــي ..

وتصير بينكم عشره عمر .. والايام تكون احلى ما يكون بينكم ..

حتى الهواش والنجره اللي تصير بينكم .. تعتبر ملح حق هالعلاقه الطاهره المتوجه بالحب ..

وآخرتــــــــها ..!

تخونك ................! وتغدر بأم اللي جابتك ؟!

إنزيـــــــــــــــــــــن ليــــــــــــــــــــش ؟؟

تقعد مع نفسك .. وتنثبر .. وتسأل حضره جنابك ..

ليش خانتني فلانه ..

انا كل شي سويت لها ,,

وكنت مستعد ابيع نفسي عشانها .. وكذا .. وكذا .. وكذا ... الخ ..!

وما تلاقي نتيجه ...! او إجابه تريّحيــك ..!

والمصيبه الاكبــــــــــــــر .. انك اذا واجهتها .. تقولك اجابــــــــــه .. وربي لما تسمعها ودك ترقع راسها بالطـــــــــوفه من سخافه وتفاهة الاجابه .. يعني لو منثبره ومنجعـــــــمه وساكته .. ابرك ..

طبعاً .. هالكلام للبنت والولد ..

ونوصل حق الحبيـــــــــــــــــــب .. رفيج العمر .. واخو الدنيا ..

صاحبك اللي اكلت معاه .. وعشت معاه احلى ايام عمرك وعكسها ..

واللي تفضله على اقرب الناس لك وتقربه منك اكثر من اخوك ..

واللي سويتله كل شي من خدمات وطلبات .. ماديه كانت او معنويه ..

وآخرتــــــــــــــــــــها ..!!؟

يتحجى عليك من ورى ظهرك .... يخونك او يغدر فيك لاسباب جداً سخيفه .. او من غير اسباب ..

يا جماعه ..

الواحد .. لازم يتعلم من هالسوالف .. والبلاوي .. مو على ان الشخص طيب وحبوب وقلبه ابيض .. كل واحد يقص عليه او يضحك عليه او .. او .. او ..

دام انك مريت بتجربه .. وانقرصت ..

خلاص .. افهم عاد .. وعلى قولتهم ( توخى الخطـــــــــــــــر ) هىهىهىى

الصراحه ..

والله حتى الواحد لويكون متوخي الحذر .. ومفتّح مخه ومشغله عدل ..

هم بينضحك عليه وبينغدر فيه لو شنو يكون ..

الله يعينّـــــــــــــــا ..

بس صراحاً ..

نصيحتي اهي شي واحد وتافه وبسيطه ..

ايّ شخص كان .. ولو شنو يكون قدره ومركزه بالنسبه لكم عالي ومبجل ..

ولو يكون اقـــــــــــرب البشر لكم ..

لاتثــــــــــــــق فيه !!!

بتقولون شلـون .. وشقاعد يخربط هذا !!

انا اقولكم شلون ..

الحين اذا انت وثقت بشخص ثقه تامه وعمياء .. مره وحده ..

وهالشخص سوى شي ( بلّــوه ) قوي وجايد ومصيبه يعني ..

وانت طبعاً .. واثق فيه ومو متوقع انه ممكن يصدر منه هالشي ..

شنو بيكون واقع الصدمه عليــــــــــك .....؟

صدمه صح ؟؟ ممكن انك تنهار ...؟ وفي احتمال حتى المستشفى تدخل ..؟ عدل كلامي هاا.!

هذا لانك واثق فيه ومتوقع انه لايمكن انه يخونك .. او يغدر فيك .. او يلعب عليك ..

بس شيكون الموقف لما حضرتـــــــــك .. تكون واثق فيه بنسبه معينه .!

مثلاً ... 40 او 50 او 60 او 70 .. بالاميه ... ؟ حـــــــدّك سبعين بالاميه .. وانا اقولك ليش .

لأن اذا كنت واثق بهالشخص العزيز والغالي بهالنسب .. وسوى مصيبته وبلاويّه ..

وانت اساساً مب واثق فيه بدرجه كبيره ..

ما راح يكون حالك لما تكون واثق فيه كلياً ..

على الاقل عندك نسبه حاط في بالك ان في يوم من الايام لاسمح الله بيصير شي ..

ويــــــــه .. انا طولت عليكم .. وعورت راسكم ( سندرت راسكم ) من زين راسكم .. احم احم

آسف على الإطاله ..

واتمنى فهمتوا ليش .. إنتهيتي يا ح ق ي ر ه ..

وعسى الرحمن يبعدنا عن الغدر والخيانه والنفاق .. واكيد الجذب ..

آمين ..

----------------------

التوضيح

انا كتبت هالموضوع .. او بالاصح .. التوضيح .. عشان وايد ناس بالماسنجر او البعض بالايميل او حتى بالردود هني .. كتبوا عن جم شغله .. وعلقوا على جم شغله بخصوص موضوع .. انتهيتي يا حقيــره

وانا من ناحيتي .. حبيت اوضح هالجم شغله .. اللي اتمنى تفهمونها ..

اول شي .. .. قالولي انت الله يعينك .. وانت الظاهر حيل

منصدم منها ..!! ( لاحظ كلمه منها ) .. وانت

انزين .. طبعاً الله يعين الجميع على كل شي .. الزين والشين ..

انا منصدم ؟؟ ماشي .. ( كافي صدمات بحياتي :) الحين انا ما اقول اني والله ما مريت بمواقف شفت

فيهم الخيانه او الغدر .. واكيد بنصدم من هالشي .. لان اللي خان او غدر يكون قريب لي ومني ..

فا كيف ما انصدم منه او ازعل او اتضايق .. ومبرر لي اني اسوي اكثر من جذي مع الخاين !!

بس ليش حضرتج .. كتبتي وخليتيني مصدوم من : ( منها ) .. يعني بنيه .. مو ولد مثلاً ..؟

انا كتبت بالموضوع الاساسي .. ان موضوع الخيانه .. مو بس ل جنس معين او فقط بنات !!

عدل ولا انا غلطان .. وانا هم لما كتبت الموضوع .. ما كتبته فقط كتجربه شخصيـــــه ..

والأهــــــــــــم : انا ما كتبت الموضوع ,, عشان اسمع كلمه ,, الله يعينك .. وتحمّل و ,,, الخ ..

انا كتبته عشان نفهم ونعتبر .. ونحذر ونتعض من هالاشكال الساقطه ..

واقسم بالله .. سالفه الواحد لما يشرح هالموضوع او يمر فيه .. مو لازم يكون حاقد او قلبه اسود ..

او .. او .. او .. اللي يعرفك ما يثمنك ..

واكيد دام الله سبحانه وتعالى يسامح .. فا اكيد العبد لازم يسامح ويغفر ..

بس في اشياء .. ومواضيع ما تتطوف ولا تعدي على خير او نتسامح فيها ..

اذا كل غلط بيصير وكل مصيبه بنتسامح فيها ,, عيل .. على الدنيا السلام

ولد عمي علي ,, عمره 17 .. اسمعهم يقولون انه شاعر -

طبعاً .. تطنزت عليه لما قلت بس :) وقبل لا اشوف وا اسمع شعره وكلامه .. لكن عقب ما قريت كلامه .. غيرت هالفكره اللي في بالي عليه ..

وامس كنت عنده .. وعجبني الكثير من شعره وكلامه ..

وكل موضوع راح احط لكم كلامه ..

: واليوم اخترت لكم هالجم بيت الخفيف والفكاهي

قصه هالشعر اللي قاله

ان بيوم الثلاثا اللي طاف .. كانت في جريمه بكل معانيها صارت بمدرسه

قريبه عند بيت ولد عمي .. وقصه هالجريمه

ان في بنت بهالمدرسه المتوسطه

طاحت من تاثير دوخه ولوعه بالفرصه ..

وعند استدعاء الاسعاف وعمل التحاليل بالمستشفى.تبين

ان البنت حامل ..

!! تدرون جم عمر البنت .. 13 سنه

وحامل وهي غير متزوجه .. والفاعل .. بكل حقاره .. ولد عمتها ..

طبعاً انفضحت البنت ..

وصارت سوالف ..

فا ولد عمي علي .. ركّب كلام عن مجمع المرينا مول بالسالميه .. على هالسالفه

وطلع بنتيجه جداً حلوه وفكاهيه.. ومعبـــّــره بنفس الوقت ..

: قولولي رايــــــــــكم

المريــــــــــنا مـــــــــــــــــــول

1_جريمة إبتدت بمرينا مــول
و إنـتـهت بكـلـمة الـســــلام

2_مجهول صاحبهـا مـجـهـول
هالـجريمة حكـمهــا الإعــدام
3_جريمةالحب عنها مسؤول
هالـجـريمة سـبـبـها الـغـرام

4_خـذت رقـمـه عـلـى طــــول
إتصلـت وإبـتــدى الـــكــلام

5_إسمك؟ تسأله بنت الأصول
شلونك؟ يجاوب تمام التمام

6_ عـسى لايـفـرقـنـا عــذول
تدعي ربهــا الله يــا ســلام

7_ أحبك أفـداك هــي تـقـــول
هـذي بداية الـحـب والغرام

8_ كـل يــوم بـمـريـنا مـــول
ومن الأهـل مــافي إهتمـام

9_ تزاعلوا مرام وبــهلــول
تزاعلوا الأثنين والله حرام

10_ تزاعلوا وين الحـلـول
يبي يراضيها ولد الـحـرام

11_ قالها الحين أنا مشغول
تعالي البيت نتفاهم بالكلام

12_ إوصلت بنت الأصول
ولا تـــدري بهذا الـــكــلام

13_ وصل الملعون بهلول
وهو يناظر أعـضاء الــغرام

14_ وجاب مشروب الكحول
وخــــــلاه جــــــدام مــــــرام

15_ إبـتـســم وهــو يــقـــول
يـــالله نـــبـــدي بــالـــكـــلام

16_ حط كاسين من الكحول
وإشـربـت داخـت يـا حـــرام

17_ والحين صار بطل بهلول
البنت داخـت وصـار فـانـدام

18_ قرب جمبها وهو يقول
هــــذي بـــوســـة الــغـــــرام

19_ وتالي خذاها على طول
خذاها الغرفة ولـد الــحــرام

20_ قالـها للـحب أصــــــول
أولها عالسرير الحبيب ينام

21_هي ما تدري وش يقول
تضحك وتــقـول هـذا تـمــام

22_ وإبتدى يـلـعب بهـلــول
إبتدى يلعب بغرفة الــظـلام

23_ وهي تضحك و تــقول
على هالـــحركة لـك وســـام

24_ حركتك كول على كـول
هذي فرنسي ولا من الأفلام

25_إنتهى الأستاذ بــهلـــول
إنتهى وخلــص مـــن مـــرام

26_ خذاها البيت على طول
وعند الـــبــاب خــلاهــا تنـــام

27_ شافها أبوها المشــلول
وشافــوهــا عــيــال الــعــمــام

29_إحتارت وش تــقـــــول
إبــتـدت مــن طــأطــأ للـــســلام

30_ ومات أبوها المشـلول
وإذبحـــوها عيـــال الــعــمــام

31_ و للحين يلعب بـهـلول
و كـــل يـــوم يــدور غـــــرام

32_ يا أهل وين الحـــلــول
يــا أهـــل ويــن الإهــتــمــام

33_ هذي قصة مرينا مول
بداية و نهاية بهـلول ومـرام

ملاحظه : لأي شعر مطلوب منكم ,, بخصوص اي كلمه معينه او فعل او او او

ترى عــــــلاّوي مستعد يضبطكم..

مثلا اذا شعر عن سياره معينه .. او موقف .. او اسم بنت .. او او او .. الخ ..

: راسلوه على هالايميل .. وبيضبطكم

Tktak_Ktkat@HotmaiL.Com

صور متحركه للموبايل

عجبتني هالصور .. وكانت بمنتدى موبايل العرب ..

وحبيت انقلها.. مع الشكر لصاحبه الموضوع .. منال

أهـــــل الإمـــــــــــارات

بالبروفايل عندي .. انا كاتب : الاقامه,, الكويت + الامارات,, الشارجه والعين ..!!

واكثر من شخص .. علــــــــّق وتكلم وقال شلــــــــــون .!!؟

بسيطه .. ولأسباب عـدّه .. ( حلوه عده ها .. عده تصليح ) .. حدّي دمي خفيف ها.. لووول..

اولاً .. انا اتشرف بأني كويـــــــتي ,, وبنفس الوقت اتشرف بأهل الامارات ,,حتى لو ماتربطني

فيهم علاقه نسب .. كفايه طيبه وطهاره قلوبهم .. وسنــع ورحمه شيوخهم ..

وهم كفايه .. منهم المرحوم .. بو خليـفه الشيخ زايد .. الف رحمه عليه..

قولوا آميـــــــن

ثانياً .. انا دوم ازور الامارات .. من قبل الغزو ( يعني من قبل سنه 1990 ) .. ولي ناسي وربعي

وحبايبي .. وذكرياتي بعد الحلوه ..

ثالثاً .. انا كنت بفتره انتداب لمده سنه وشوي .. بشركه آدنــــوك النفطيه .. بفرع دبي ..

رابعاً والاهــــــم .. عيال خالتي وخالتي وياهم .. إماراتيين للـــحد .. نصهم بالعين ونصهم بالشارجه

ودايم اكون عندهم اذا زرت الامارات ..

وأخيــراً .. يا جماعه .. المحبه من الله سبحانه .. واهل الامارات.. عموماً. ولو بنسبه ليست أميه بالاميه .. اقسم بالله ينحبّـــــــون ويفرضون حبك عليهم .. .باحترامهم وتقديرهم وطيبه قلبه وزين اصلهم

متفرقاتي : القديم + الجديد

:العزيزه زنكـــــــــــــــيه

يظل سبيسج من احلى السبيسات .. عسى دوم نشوفه بهالزين

سبيس: مكـانٌ لايكف عن الثرثره

:سلمـى سعـود

دوم كنت اسال عليج .. وبكل بلوق .. كنت اقول وينج ..

وحضرتج مطنشه بأدب ..

بس ليش يكون لج اكثر من تعديل في سبيسج

ولا حتى رديتي على سلامي او سؤالي عليج ..

ويظل الغايب حجته معاه .. بس هذا الغايب يا سلمى

:وصــــف

حيل هالانسانه اعتبرها خبيره تصاميم .. :) ومينونه صور

ماشاءالله عليها .. تصمم اشياء بسيطه لكن حيل مميزه وحلوه

وغريبه ..

سبيس: وصـــــــــوف

:أبــــوّوه

ترى التواصل شي حلو .. وما يقطع الا المعذور .. او

اللي ما يبيّن بعينه ..

وبس اللي اقدر اقوله : حســــــافه

:عبيــــــــــــــــر

هاديه هالبنت .. واستغربت من تفكيرها المنفتح واللي لازم يكونون بنات

ديرتها كلهم بهالتفكير الحلو. ربي يوفقج

سبيس: برستيــــــــــــج

:سبيسات كل العـــــرب

دشيته بالصدفه .. مع انه للحين في بدايته ..

بس اتوقع له نجاح حلو ..

وانصح الكل بنشر وعرض سبيساتهم فيه

.كل الشكر للأخت صاحبه السبيس

سبيس: سبيسات العــــــــــرب

:روح الكويــــــــــــت

فديتها بنت ديرتي :) او بلقب آخر : مهيـــاوه قيــرل

لووول .. سوالفها حلوه وخفيفه..

مع تحياتي لبقّاله عبدالرحيم الكندري .. لوووول

سبيس: روح الكويـــــــــت

:أطاطـــــــــــــا

شالسالفه ...؟ وربي العظيم مادري .. عسى هالمزاجيه اللي

انتي فيها تمر بخير

:عتريــــــــس

يا جماعه ترى عتريس ,, بنت

يعني مو يدشون سبيسها ويكلمونها على انها صبي,,

شسالفه عتريس .. السر عندها.

هالبنت اكبر من عمرها ..ربي يوفجها

سبيس:عتريــــــس

تـــــــــــومــــا :

شي حلو إنج للحين ذاكره فيـصل ..

استانست بوجودج .. يا كروّشــتي

توضــيــــــــــــــــــــح

لما اقول التواصل شي حلو -

ويحسس الطرفين بالاهتمام ..

ما غلطت .. وفي ناس تقطع .. واهي اللي تشره ويقطون كلام

يحسسونك بأنك انت اللي كذا وكذا ..

عمري ما اهملت انسان يواصلني ويفكر فيني.. واللي عنده ظروف..

.اكيد اعرف شلون اقدّرها وافهمها

بالنسبه لركن السبيسات المفضله -

انا ما احط الا الناس اللي سبيساتها تسوى الزياره

والتعليق .. بس في بعض السبيسات.. انا الصراحه انغش فيها

وماتستاهل حتى التفكير فيها ..واكيد تتم إزالتها

. اتمنى ان هالمسج يوصل لبعض الناس

في ناس والله ما اقدر اتخيل سبيسي -

من عدم وجود ردودهم و تعليقاتهم

سيــبها تحبــك ,, ولما تحبــها تسيـــــبك -

يُقال,,الإمرأه قبل الزواج انثــي ,, وبعد الزواج ... إنســى -

في ناس -

.. لما تسأل عنهم و ودك تعرف اخبارهم ,,

يواصلونك بالمحبه ويذكرونك بالخير.. او على الاقل يعبّرونك

!! وفي ناس ترد عليك بالعكس !! ليش ..؟

لأن كلن وتربيته واخلاقه ومبادئه ..

من قمّه السخافه وثقل الدم -

,, لما يضيفك احد بالماسنجر وانت تقبل الاضافه

.. واول ما تكلمه او يدخل عليك .. يقولك : من انت ؟؟؟

ليـــــــش.؟ انت اللي ضايفني ومو محترمني بعدم تذكرك لي و تعاملني

معامله الـ : أيّ حـــاقه .. على طــول .. بلوك وديليت

: الاخ العزيز بدر الكنــــــــدري

الف الف الف مبروك على دخولك عش الزوجيه .. :) والله يعينك

:) وعسى نشوف منك المال ومنها الورعان

: الغالي على قلبي وصديقي الصدوق

هـــــــــــــــادي درويـــــــــــــش,,منسق عام الوسط الديمقراطي سابقاً

مبروك يا بو فلان على الشيسمونه :) وترى للحين ناطرين عزيمتها

وبسّك قـّز بالسبيس بدون ما تحط كومّـينت .. لووووول

يعني مو صايدك .. اهاهاهاهاهاي

أخوكــــــــم : فيصـــــــــــــــل

5:31:39 PM | Add a comment | Read comments (48) | Permalink | Blog it

8/12/2005

!! فـــهمــونـــي وبس

قوه ..

عساكم تكونون بخير وصحه وعافيه يا جماعه